Bifröst 2017

Ritað .

Kæru félagar!

Nú styttist óðum í náms- og skemmtiferð skólastjórnenda í Reykjavík. Ný stjórn sá enga ástæðu til að reyna að laga eitthvað sem ekki er bilað og ákvað því að halda sig við að fara með hópinn í Borgarfjörðinn, nánar tiltekið á Bifröst. Þaðan eigum við góðar minningar saman og vonandi hafa sem flestir tækifæri til að koma með og bæta í minningabankann. Nýjir félagar eru sérstaklega boðnir velkomnir í ferðina og stofna þar með minningarbók í Bifrastarbankanum.

Meðfylgjandi er dagskrá ferðarinnar:

Fimmtudagur 16. febrúar

13:30     Brottför frá Húsaskóla. Stoppað á Kjalarnesi og í Borgarnesi.

15:30     Komið á Bifröst. Lyklar afhentir.

16:00     Kaffi.

16:30     Umræðufundir.

17:30     Frjáls tími.

19:00     Fordrykkur.

19:30     Borðhald hefst. Veislustjórn í umsjón Lindu Heiðarsdóttur.

Föstudagur 17. febrúar

7:30        Morgunmatur hefst.

09:00     Hvetjandi leiðtogi. Erindi frá Svala Björgvinssyni.

12:00     Hádegismatur.

13:00     Heimferð.

Til að skrá sig í ferðina þarf að smella hér og fylla út skráningarblaðið.

Verði er stillt í hóf. Fyrir þá sem eru í eins manns herbergi kostar ferðin kr. 19.800 en kr. 17.900 fyrir þá sem eru í tveggja manna herbergi.

 

Kveðja;

Stjórnin

 

Skýrsla stjórnar 2014 - 2016

Ritað .

Skýrslu stjórnar fyrir tímabilið 2014 - 2016 er nú loks aðgengileg á síðunni. Hana, sem og fyrri ársskýrslur, má finna með því að smella hér.

Aðalfundur 2016

Ritað .

Stjórn Félags skólastjórnenda í Reykjavík boðar til aðalfundar félagsins mánudaginn 3. október 2016 kl. 14:00-16:00.

Dagskrá aðalfundar er eftirfarandi:

a)    Fundarsetning og skipan fundarstjóra og fundarritara.

b)    Skýrsla stjórnar.

c)    Reikningar lagðir fram.

d)    Lagabreytingar.

e)    Kosningar:

                Kosning skoðunarmanna reikninga.

Kosning formanns og varaformanns.

    Kosning þriggja meðstjórnenda.

f)     Önnur mál.

Rétt er að taka það fram að um lagabreytingar gilda eftirfarandi reglur:

Lögum Félags skólastjórnenda í Reykjavík má aðeins breyta á aðalfundi félagsins enda hafi breytingarnar verið kynntar í fundarboði. Tillögur um lagabreytingar þurfa að hafa borist stjórn þrem vikum fyrir aðalfund og skulu þær kynntar félagsmönnum eigi síðar en tveimur vikum fyrir aðalfund.  Til þess að breyting nái fram að ganga verður hún að hljóta samþykki 2/3 hluta greiddra atvæða.

Boðið verður upp á kaffi og með því.

Sýnum nú samstöðu og mætum sem flest.

Þeir sem vilja gefa kost á sér í stjórn eru beðnir um að hafa samband við Guðlaugu Erlu í Ingunnarskóla (This e-mail address is being protected from spambots. You need JavaScript enabled to view it.).

Með góðri kveðju,

Stjórnin